fwd மெயில் : கோமாளித்தனங்கள்!

"அந்தப் புகைப்படத்தை பார்த்தீர்களா? என்ன 'திகில்' கொடுப்பதாக உள்ளதா! கட்டிலுக்கு அடியில் இருப்பது விபத்தில் செத்த ஒரு இளம் பெண்! கட்டிலின் மேலே இருப்பது விபத்திற்கு காரணமானவன். இப்போது இந்த திகில் பெண் வெறியோடு அலைந்து கொண்டிருக்கிறாள். அவளிடமிருந்து நீங்கள் தப்பிக்க வேண்டுமா... உடனே இந்தப் புகைப்படத்தை 5 பேருக்கு மெயிலில் அனுப்புங்கள். இல்லையேல் இன்று இரவே அந்தப் பெண் உங்கள் உயிரை அபகரிக்க வந்து விடுவாள். ஆம்.. இது நிஜம்! சிட்னியில், லாஸ் ஏஞ்சல்ஸில், டெக்ஸாசில் இந்தப் புகைப்படத்தை 5 பேருக்கு அனுப்பாமல் அலட்சியமாக delete செய்த சிலர் இப்போது இல்லை. ஆம் இது நிஜம்! ஜாக்கிரதை!!!"


- இது எனக்கு இன்று வந்த fwd: மெயில். (அனுப்பிய பைத்தியக்காரன் - மேலும் 4 பேருக்கு அனுப்பியிருந்தான்.)

முன்பு, (இப்பொழுதும் இருக்கும் என நினைக்கிறேன்) "இந்த நோட்டீஸை கண்டெடுப்பவர்கள் - இதே போல் 1000 நோட்டீஸ் அடித்து விநியோகிக்க வேண்டும். செய்தால் 'மங்களம்' உண்டாகும். இல்லாவிட்டால் தீயவை உங்கள் வாழ்வில் நேரும்" என கீழே பிரிண்டிங் பிரஸ் முகவரியுடன் தெளிவாக கொடுத்திருப்பார்கள். அந்த கலாச்சாரம்(!) இப்போது அப்-டேட்டாகி, இப்படி மெயில், மெயிலா மேய்ஞ்சுகிட்டு இருக்கு! பொதுவா இப்படி fwd: ஆகி வருகிற மெயில்களோட ஆணிவேர் ஏதாவது பிரபல 'சாஃப்ட்வேர்' கம்பெனியோட மெயில் ஐடியாத்தான் இருக்குது! ..ம், இவங்களைத் திருத்தணும்னா பெரியாரைத்தான் பிராஜக்ட் லீடராப் போடணும்!
ஒரே வரியில சொல்லணும்னா

'மூட நம்பிக்கைகள் நவீனமாகிக் கொண்டு வருகின்றன!'