ஹைய்யா! முடியப் போகுது!!

தமிழ்நாட்டில் இன்றைய தேதியில் ஏதாவதொரு தொகுதியில் இடைத்தேர்தல் வந்தால், நான் ஒரு வேட்பாளரை நிறுத்தத் தயாராக உள்ளேன். பெரிய தலைகள் யார் வேணும்னாலும் நிக்கட்டும், நம்மாளு சொல்லி ஜெயிப்பாரு! அவ்வளவு பவர் உள்ள ஆளு யாருன்னு கேட்கறீங்களா? அது எந்த 'காந்த்'ம் இல்ல! அவர் பெயர்... சிதம்பரம்! ஆமா, 'மெட்டி ஒலி' பாசக்கார அப்பா சிதம்பரமேதான்!
தமிழக (அனைத்து தரப்பு) மக்களின் ஆதரவு பெற்ற ஒரே வேட்பாளர் இப்போ இவர் மட்டுமே!
'போயிட்டியே... போயிட்டியே'ன்னு நைட்டு ஒன்பது மணிக்கு மேல தமிழ்நாடே 'எலவு' வீடாட்டம் மாறிடுது! இன்னும் 16 நாளைக்கு காரியம் நடக்கும்போல!
அய்யா சாமி.. இதோ மெட்டி ஒலி சீக்கிரம் முடியப் போகுதுன்னு எதோ ஒரு பத்திரிக்கையில போட்டிருந்ததைப் பார்த்து சந்தோஷப்பட்டேன். அந்த 'சீக்கிரத்தோட' அர்த்தம் மூணு, நாலு மாசம்னு எனக்கு அப்ப புரியல!

மெட்டியோட ஒலியே இவ்வளவு வருசத்துக்கு ஒலிக்குதுன்னா, இவங்க இந்த சீரியலுக்கு 'மேள ஒலி'ன்னு பேரு வைச்சிருந்தாங்கன்னா... அய்யா சாமி, நினைச்சுக்கூட பார்க்க முடியல!

'எதையும் தாங்கும் இதயம் கொண்ட' தமிழக மக்கள் - இனி எந்த ஒலியையும் தாங்குவார்கள் என்பதில் சந்தேகமேயில்லை!

(பின் குறிப்பு: நான் இதுவரை அதிகபட்சம் 50 எபிசோட்கள் மட்டுமே பார்த்துள்ளேன்)